Sunday, September 27அரியவை அறிந்திட, தெரிந்தவை தெளிந்திட

நாயகி பற்றிய மர்மம்தான் வர்மம்!

மர்ம அடிகள் பல நிறைந்த வர்மக்கலை தெரியும். கோடம்பாக்கத்தில் வர்மம் எனும் பெயரிலேயே ஒரு திரைப்படம் உருவாகி வருவது தெரியுமா?! கிரசன்ட் கிரியேஷன்ஸ் நிறுவனம் சார்பில் எஸ்.ஹனிபா மாஸ்டர், எஸ்.அருணாசலகுமார் இணைந்து தயாரிக்கும் வர்மம் படத்தின் கதைப்படி, பெண்களை பாலியல் தொழிலில் ஈடுபடுத்தும் நபர்களை கண்டுபிடித்து ஒரு பெண்ணே அதுமாதிரி நபர்களை தீர்த்துக் கட்டுகிறார். அவள்தான் இப்பட கதையின் நாயகி. இந்த கொலைகளை அவள்தான் செய்கிறாள் என்பது தெரியாமல், கதாநாயகன், நாயகியை தீவிரமாக காதலிக்கிறான். ஒரு கட்டத்தில் தன் காதலிதான் கொடூர கொலைகாரி என தெரிந்ததும் நாயகரின் முடிவு என்ன? நாயகியின் முடிவு என்ன? என்பது உள்ளிட்ட பல சஸ்பென்ஸ்களுடன் உருவாகி இருக்கும் வர்மம் படத்தின் அகிலன் நாயகனாகவும், அனகா நாயகியாகவும் நடித்திருக்கிறார்கள். இவர்களுடன் நிழல்கள் ரவி, பாலாசிங், மீரா கிருஷ்ணன், பு‌ரோட்டா சூரி, புவனா உள்பட பிரபல நட்சத்திரங்களும் நடித்துள்ளனர்.
ஏ.எஸ்.லாரன்ஸ் மாத‌வன் கதை, திரைக்கதை, வசனம் எழுதி இயக்கியிருக்கும் வர்மம் படத்திற்கு பால்கிரகோரி ஒளிப்பதிவு செய்ய, மீரா லால் இசையமைத்திருக்கிறார். சமீபமாக ஆடியோ வெளியீடு கண்டிருக்கும் இப்படம் விரைவில் திரைக்கு வரவுள்ளது.

Leave a Reply