Friday, June 18அரியவை அறிந்திட, தெரிந்தவை தெளிந்திட

அங்காடித்தெரு புகழ் அஞ்சலி பேட்டி: சூட்டிங்கில் கலவரம்! உயிர் தப்பியது எப்படி?

நடிகர் கரண் நாயகனாகவும், நடிகை அஞ்சலி நாயகியாகவும் நடிக்கும் தம்பி வெட்டோத்தி சுந்தரம் படத்தின் சூட்டிங் கடந்த சில தினங்களாக கன்னியாகுமரி மாவட்டத்தில் நடந்து வருகிறார். டைரக்டர் வடிவுடையான் இயக்கத்தில் உருவாகி வரும் இப்படத்தின் கதை குமரி மாவட்டத்தை மையமாக வைத்து அமைக்கப்பட்டுள்ளது. டைரக்டர் வடிவுடையானின் சொந்த ஊரான களியக்காவிளை பகுதியில் கடந்த வாரம் சூட்டிங் நடத்தப்பட்டது. நேற்று குலசேகரம் பகுதியில் படப்பிடிப்பு நடத்தப்பட்டது. அஞ்சலி ‌தொடர்பான காட்சிகளை படமாக்கிக் கொண்டிருந்தபோது சூட்டிங் ஸ்பாட்டுக்கு 7 பேர் அடங்கிய கும்பல் ஒரு ஆட்டோவில் வந்தது. அந்த கும்பல் படப்பிடிப்பு குழுவினரிடம் தகராறு செய்ததுடன், படக்குழுவினரை தாக்கியது. டைரக்டர் வடிவுடையான் தாக்கப்பட்டார். அவரது கார் கண்ணாடி உடைக்கப்பட்டது.

இதற்கிடையில் அசம்பாவிதம் ஏற்பட்டு விடக்கூடாது என்பதற்காக அங்கிருந்த அசிஸ்டென்ட் டைரக்டர்கள் நடிகை அஞ்சலி மீது போர்வையை போர்த்தி அருகில் இருந்த வீட்டுக்குள் அழைத்து சென்று விட்டனர். கலவரக்காரர்கள் கையில் சிக்காததால் அஞ்சலிக்கு எந்த காயமும் இன்றி தப்பினார். படப்பிடிப்பு சாத‌னங்களை உடைத்து விட்டு அந்த கும்பல் தப்பி சென்று விட்டது. இதுபற்றி குலசேகரம் போலீசில் புகார் செய்யப்பட்டுள்ளது போலீசார் விசாரணை நடத்தி வருகிறார்கள்.

இந்த சம்பவம் குறித்து நடிகை அஞ்சலி கூறுகையில், நான் இதுவரை 9 திரைப்படங்களில் நடித்துள்ளேன். திரைப்படம் சூட்டிங்கிற்காக பல இடங்களுக்கு சென்றுள்ளேன். ஆனால் இதுபோன்ற சம்பவம் எதுவும் நடந்தது இல்லை. சூட்டிங் ஸ்பாட்டுக்குள் திடீரென்று சிலர் வந்து ரகளையில் ஈடுபட்டதை பார்த்து நான் நடுங்கிப் போய் விட்டேன். இப்படி ஒரு சம்பவத்தை நான் இதுவரை நேரில் பார்த்தது இல்லை. டைரக்டரை அடித்து உதைத்து, அவருடைய காரை கல்லால் அடித்து உடைத்து விட்டார்கள். நிலைமை மோசமாவதை பார்த்து உதவி டைரக்டர்கள் புத்திசாலித்தனமாக என்னை மறைத்து வைத்து காப்பாற்றினார்கள். வன்முறை கும்பல் கையில் சிக்கினால் நான் என்ன ஆகியிருப்பேன்? என்பதை நினைத்து பார்க்கவே பயமாக இருக்கிறது, என்றார்.

 

thanks dinamalar

Leave a Reply

This is default text for notification bar
This is default text for notification bar
%d bloggers like this: