Monday, March 30அரியவை அறிந்திட, தெரிந்தவை தெளிந்திட

சி.பி.ஐ. ரெய்டு தி.மு.க.- காங்., கூட்ணி உடையாது

by V2V Admin

2 ஜி ஸ்பெக்ட்ரம் முறைகேடு தொடர்பாக தமிழகத்தில் தி.மு.க.,வின் நெருங்கிய வட்டாரம் சி.பி.ஐ. ரெய்டு நடத்தியதால் காங், தி.மு.க. கூட்டணியில் எவ்வித விரிசலும் ஏற்படாது என்று கட்சி தலைவர் கருணாநிதியின் மகளும் எம்.பி,யுமான கனிமொழி கூறியுள்ளார்.

கடந்த ஒரு வாரத்தில் சி.பி.ஐ., தமிழகம் மற்றும் டில்லியில் முன்னாள் மத்திய அமைச்சர் ராஜா, அவரது உறவினர்கள் மற்றும் நிரா ராடியா ஆகியோரர் வீடு மற்றும், அலுவலகங்களில் ரெய்டு நடத்தியது. மத்திய அரசின் கட்டுப்பாட்டில் உள்ள சி.பி.ஐ., கூட்டணியில் உள்ள தி.மு.க.,வுக்கு இப்படி நெருக்கடி கொடுக்கலாமா இதனால் இந்த கூட்டணியில் சல, சலப்பு ஏற்படும் என யூகங்கள் கிளம்பியது. குறிப்பாக நேற்று நடந்த சி.பி.ஐ., ரெய்டு தி.மு.க.,வின் நெருங்கிய வட்டாரத்தில் நடந்தது. இன்று சுப்ரீம் கோர்ட்டில் இது தொடர்பான வழக்கு விசாரணைக்கு வரும் பட்சத்தில் இந்த அவசர பணியை சி.பி.ஐ., செய்தது.

இந்நிலையில் தி.மு.க., காங்கிரஸ் மீது அதிருப்தியில் இருப்பதாக செய்தி வெளியானது.இதற்கு மறுப்பு தெரிவிக்கும் வகையில் கனிமொழி எம்.பி., கூறுகையில்; 2 ஸ்பெக்டரம் விவகாரத்தில் சி.பி.ஐ., தனது பணியை செய்கிறது. இதற்கு நாங்கள் எதிராக இருக்க மாட்டோம். இந்த விசாரணையின் முடிவில் உண்மை தெரிய வரும். இந்த ரெய்டு மூலம் நாங்கள் திறந்த மனதாக இருக்கிறோம் என்பது புலப்படுகிறது.

ரெய்டு காரணமாக எங்கள் கூட்டணியில் எவ்வித சலசலப்பும் இல்லை இவ்வாறு அவர் கூறியுள்ளார். சென்னையில் நில மோசடி தொடர்பாக கேட்ட கேள்விக்கு பதில் அளித்த கனிமொழி இதில் தி.மு.க.,வுக்கு தொடர்பு இல்லை என்றார்.கூட்டணியில் விரிசல் தொடர்பாக தி.மு.க., மூத்த தலைவர்களும் இதே கருத்தை வலியுறுத்தி யுள்ளனர். இதற்கிடையில் ஸ்பெக்ட்ரம் விவகாரம் தொடர்பாக சுப்ரீம் கோர்ட் கண்காணிக்கும் என்ற உத்தரவை சட்ட அமைச்சர் வீரப்ப மொய்லி வரவேற்றுள்ளார்.சட்டம் தனது கடமையை செய்யும் என கூறியுள்ளார்.

(இணையதளம் ஒன்றில் வெளிவந்த செய்தி)

மேலும் இதன் தொடர்புடைய செய்திகள்


Post Views: 151

Leave a Reply