Saturday, July 31அரியவை அறிந்திட, தெரிந்தவை தெளிந்திட

வெளிநாட்டில் பணம் குவித்தவர்களுக்கு எதிராக எடுத்த நடவடிக்கை என்ன? சுப்ரீம் கோர்ட் கேள்வி

“வெளிநாட்டு வங்கிகளில் பெருமளவில் கறுப்புப் பணத்தை டிபாசிட் செய்துள்ள தனி நபர்கள் மற்றும் நிறுவன ங்களுக்கு எதிராக என்ன நடவடிக்கை எடுக்கப் பட்டு ள்ளது’ என, மத்திய அரசுக்கு சுப்ரீம் கோர்ட் கேள்வி எழுப்பியுள்ளது. மேலும், “அந்த பணம் எப்படி வந்தது, எங்கிருந்து வந்தது என்ற நோக்கிலும் கண்டறியப்பட வேண்டும்’ என்றும் உத்தரவிட்டு ள்ளது.

சுவிட்சர்லாந்து உட்பட பல வெளிநாட்டு வங்கிகளில், இந்தியர்கள் ஏராளமான அளவில் கறுப்புப் பணத்தை முதலீடு செய்துள்ளனர் என்றும், அந்தப் பணத்தை மீட்டுக் கொண்டு வர நடவடிக்கை எடுக்கும்படி மத்திய அரசுக்கு உத்தரவிட வேண்டும் எனக்கோரியும், சுப்ரீம் கோர்ட்டில், முன்னாள் சட்ட அமைச்சர் ராம் ஜெத்மலானி உட்பட பலர் மனு செய்தனர். இந்த மனு கடந்த வாரம் விசார ணைக்கு வந்த போது, “வெளிநாட்டு வங்கிகளில் இந்தியர்கள் குவித்து வைத்துள்ள கறுப்புப் பணம் தொடர்பான முழு விவர ங்களும் தரப்பட வேண்டும்’ என, நீதிபதிகள் குறிப்பிட்டனர். ஆனால், இரு நாட்களுக்கு முன் இதுதொடர் பாக பேட்டி அளித்த மத்திய நிதி அமைச்சர் பிரணாப் முகர்ஜி, ” வெளிநாட்டில் கறுப்புப் பணத்தை பதுக்கி வைத்துள்ளவர்கள் பற்றிய விவரங்களை வெளியிட முடி யாது. இதற்கான சட்ட வரைமுறைகள் இல்லை’ என்று குறிப்பி ட்டார்.

இந்நிலையில், இந்த வழக்கு நேற்று மீண்டும் விசாரணைக்கு வந்தது. அப்போது, மத்திய அரசு தரப்பில் ஆஜரான சொலி  சிட்டர் ஜெனரல் கோபால் சுப்பிரமணியம், “”வெளிநாட்டு வங்கிகளில் கறுப்புப் பணத்தை குவித்து வைத்துள்ள வர்களுக்கு எதிராக, அரசு அனைத்து நடவடிக்கைகளையும் எடுத்து வருகிறது. அவ்வாறு முதலீடு செய்தவர்கள் பற்றிய விவரங்களை, பல்வேறு நாடுகளுடன் இரட்டை வரி ஒப்பந்தங்கள் அடிப்படையில் பெற்று, சம்பந்தப்பட்ட வர்கள் மீது நடவடிக்கை எடுக்கப்படுகிறது. இது தொடர்பாக அரசின் பல்வேறு துறை சம்பந்தப்பட்ட அமைப்புகள் விசாரணை நடத்தி வருகின்றன’ என்றார். மனுதாரர் ராம் ஜெத்மலானி சார்பில் ஆஜரான, மூத்த வக்கீல் அனில் திவான்,”” இந்த விவகாரத்தில் அரசு தீவிரம் காட்டவில்லை. புனேயை சேர்ந்த ஆயுத வியாபாரியான ஹசன் அலி மீது வெளிநாட்டில் செய்யப்பட்ட முதலீடு குறித்து விசாரணை நடக்கிறது. அவர் நாட்டைவிட்டு வெளியேறியுள்ளார். கறுப்புப் பண விவரங்களை கோர, ஐ.நா.,வின் உதவியை நாடும்படி அரசுக்கு உத்தரவிடவேண்டும்,” என்றார். இரு தரப்பு வாதங் களை யும் கேட்ட நீதிபதிகள், கறுப்புப் பண விஷயத்தில் அரசின் நடவடி க்கைகள் குறித்து கடுமையாக கேள்வி எழுப்பினர்.

அப்போது அவர்கள் கூறியதாவது: வெளிநாடுகளில் கறுப்புப் பணத்தை முதலீடு செய்துள்ளவர்களுக்கு எதிராக அரசு என்ன நடவடிக்கை எடுத்துள்ளது என்பதை அறிய விரும்புகிறோம். இந்த பணம் எப்படி வந்தது, எங்கிருந்து வந்தது என்பதை கண்டுபிடிக்க வேண்டும். நாங்கள் கேட்கும்போது எல்லாம், வரி ஏய்ப்பு என்ற கண்ணோட்டத்தில் மட்டுமே விசாரிப்பதாக அரசு கூறுகிறது. இதில், மற்ற விஷயங்களும் உள்ளதை ஏன் அரசு கவனிக்க தவறுகிறது. அளவுக்கு அதிகமான பணம் வெளிநாட்டு வங்கிகளில் முதலீடு செய்யப்பட்டுள்ளது. இவை, ஆயுதக்கடத்தல், போதை மருந்து கடத்தல், கள்ளக்கடத்தல் மூலமாக வந்திருக்கலாம். இது மிகவும் ஆபத்தான விஷயம். இந்த வகையில் கறுப்புப் பணத்தை வெளி நாட்டில் பதுங்கியுள்ள தனிநபர்கள் மற்றும் நிறுவனங்கள் மீது என்ன நடவடிக்கை எடுக்கப்பட்டுள்ளது என்பதை அறிய விரும்புகிறோம். வரி ஏய்ப்பு என்ற அம்சத்தை மட்டும் விசாரிக்க கட்டுப்பாடு விதிக் காமல், கறுப்புப் பணத்திற்கான ஆணிவேரை கண்டறிய வேண்டும்.

கறுப்புப் பணத்தை முடக்கியுள்ளவர்களுக்கு எதிராக எடுக்கப்படும் நடவடிக்கைகள் பற்றிய விவரத்தை வெளியிடுவதில் சட்ட சிக்கல் உள்ளது பற்றி கவலையில்லை. அதுபற்றிய விவரங்களை பகிரங் கமாக வெளியிட முடியாவிட்டாலும், நீதிமன்றத்தில் எங்களுடன் பகிர்ந்து கொள்ளலாம். இது தொடர்பாக, அரசு, மத்திய ரிசர்வ் வங்கி, மத்திய ஊழல் கண்காணிப்பு ஆணையர் ஆகியோர் பதிலளிக்க வேணடும். மேலும், ஆயுத வியாபாரியான ஹசன் அலி தற்போது எங்கே இருக்கிறார். வெளிநாடுக்கு சென்று விட்டாரா, அவரை கண்டு பிடிக்க அரசு என்ன நடவடிக்கை எடுத்துள்ளது. இந்த விவரங் களையும் தெரிவிக்க வேண்டும். இவ்வாறு நீதிபதிகள் உத்தரவில் கூறினர். வழக்கின் அடுத்த கட்ட விசாரணையை வரும் வியாழக் கிழமைக்கு (3ம் தேதி) ஒத்திவைத்தனர்.

((((((  நாளேடு ஒன்றில் கண்டெடுத்த செய்தி ))))))

Leave a Reply

This is default text for notification bar
This is default text for notification bar
%d bloggers like this: