Friday, December 4அரியவை அறிந்திட, தெரிந்தவை தெளிந்திட

வாலியா – வைரமுத்துவா ? பட்டிமன்றம் – (என்ன‍ கொடுமை சரவணன் இது?) – வீடியோ

கீழுள்ள‍ வீடியோவினை பார்த்த‍பிறகு எனது வரிகளை, படிக்குமாறு, விதை2விருட்சம்  மூலமாக கேட்டுக்கொள்கிறேன் 

தமிழுக்கு பெருமை சேர்த்தது கவிஞர் வாலியா அல்லது கவிஞர் வைரமுத்துவா ? என்கிற தலைப்பில் பட்டிமன்றம் நடைபெற்ற‍து. இந்த பட்டிமன்றத்தை யூ டியூபில் பார்த்தேன். பார்த்த‍வுடன் எனக்கு மிகுந்த மன வேதனை அளித்த‍து அதனால் விளைந்த வரிகள்தான் இவை!

என்ன‍ அருமையான தலைப்பு இது! இந்த தலைப்பை வீண்டித்து விட்டார்களே!

ஆம்! பட்டிமன்றத்தில் பேசிய பேச்சாளர் களின் பேச்சுக்களில் ஏன் இத்த‍னை தடுமாற்ற‍ம் என்றே தெரியவில்லை. மேடையில் பேசும் போது, எந்த விதமான தடுமாற்ற‍மும் இல்லாமல் பேச்சாளரின் பேச்சு அமைய வேண்டும். ஆனால் இங்கோ, பேசிய அத்த‍னை பேச்சாளர்களும் தங்களது பேச்சுக்களி லே தடுமாறித்தான் போனார்கள்.

பேச்சாளர்களின் தடுமாற்ற‍ பேச்சுக்கு ஒன்றிரண்டு உதாரணங்கள்.

ஆஸ்கர் விருது பெற்றது, இசையமைப்பாளரா? கவிஞரா? என்று கூட தெரியாமல் ஒரு பேச்சாளர் பேசுகிறார்.

றுதியில் இறுதி உரையாற்றிய ஒரு பேச்சாளரோ!

வைரமுத்துவின் முதல் பாடலான இது ஒரு பொன்மாலைப் பொழுது என்ற பாடலை தனது பேச்சில் மேற்கோள் காட்டும்போது,

வான மகள் “நாணுகிறாள்” என்ற வரிக்கு பதிலாக வான மகள் “நாறுகிறாள்” என்று அந‌ர்த்த‍மாக‌ குறிப்பிட்டு விட்டு, பின் அதை அங்கிருந்தோர் திருத்திச் சொன்ன‍ பிறகு அதை நாணு கிறாள் என்று குறிப்பிடுகி றார். அது மட்டுமா?

நாணுகிறாள் என்றால், வெட்கப்படுகிறாள்

நாறுகிறாள் என்றால், குளிக்காமல் அழுக்குத்தலையுடன் அழுக்குத் துணி உடுத்தி துர்நாற்ற‍த்தோடு இருக்கிறாள் என்று அர்த்த‍ம். அல்ல‍து அவளது மோசமான நடத்தையால் சமூகத்தினரால் புறக்கணிக்க‍ப்பட்டு, குப்பைக்கூளங்களுடன் அவளும் நாறுவதாக அர்த்த‍ம்

அதே பாடலில் வரும் அடுத்த‍ வரியான

வேறு உடை பூணுகிறாள் என்ற வரிக்கு பதிலாக வேறு உடை பூசுகிறாள் என்றே குறிப்பிடுகிறார்.

பூணுதல் என்றால் உடை உடுத்துல் என்று அர்த்த‍ம்

பூசுதல் என்றால் அரிதாரம் பூசுதல் என்று அர்த்த‍ம்

கீழுள்ள‍ வீடியோவை சற்று உன்னிப்பாக பாருங்கள். பட்டிமன்ற த்தில் பேசிய அத்த‍ னை பேச்சாளர்கள் எப்ப‍டியெல்லாம் தடுமாறுகி றார்கள் என்பது உங்களுக்கே புரியும்.

மேடையில் பேசும்போது சிலருக்கு சில தடுமாற்ற‍ங்கள் வருவது இயல்புதான்! ஆனால் இங்கேயோ, பேசிய அத்த‍னை பேச்சாளர்களி ன் பேச்சுக்களும் தடுமாற்ற‍த்தோடு இருந்ததுதான் வேதனையான விஷயம்.

ரி! பேச்சாளர்கள் தடுமாற்ற‍த்தோடு பேசி விட்டார்கள். ஆனால் அதையும் அப்ப‍டியே யூ டியூபில் வெளியிட்ட‍து எந்த விதத்தில் நியாயம் என்றே தெரியவில்லை.

பேச்சாளர்கள் தடுமாறும் இடங்க ளை, VIDEO EDITING மூலமாக வெட்டி, அவர்களது பேச்சுக்களை வெளியிட்டிரு க்க‍லாம்.

நண்பர்களே!

தமிழுக்கு பெருமை சேர்த்தது கவிஞர் வாலியா? அல்லது கவிஞர் வைரமுத்துவா ? என்று கேட்பதை விடுத்து, முதலில் தமிழுக்கு நீங்கள் பெருமை சேருங்கள். மேடையில் பேசும்போது சற்று கவனமாகவும், தெளிவாகவும், தடுமாற்ற‍ம் இல்லாமலும் பேசினா லே தமிழுக்கு உங்களால் பெருமைதான்.

– விதை2விருட்சம், ரா. சத்தியமூர்த்தி

7 Comments

  • john

    இந்த பட்டிமன்றத்தில் பேசிய தலைவர் தவிர மற்றவர் எல்லாம் மேடை பேச்சாளர்கள் அல்ல.அதனால் சில தவறுகள் ஏற்படுவது சகஜம் தான்.அதை விட்டு குற்றம் குறை சொல்வது அழகல்ல.அதுவும் சொந்தமாக ஒரு பதிவும் போட தெரியாமல் அடுத்தவரின் பதிவுகளை திருடி ஒட்டியும்,வெட்டியும் வெளியிடும் உங்களுக்கு உரிமையும் அல்ல.

    • பிரியமுள்ள‍ நண்பர் ஜான் அவர்களுக்கு,

      நண்பர் ஜான் அவர்களுக்கு, என்னை வசைபாடியமைக்கு முதலில் எனது நெஞ்சார்ந்த நன்றிகளை தெரிவித்துக் கொள்கிறேன்.

      நான் என்ன‍வோ பிறரது படைப்புக்களை திருடி, வெட்டி ஒட்டி வெளியிட்டு வருவதாக தாங்கள் குற்ற‍ஞ்சாட்டி உள்ளீர்கள்,

      ஒன்றை புரிந்து கொள்ளுங்கள்.

      நான் படித்த‍, பார்த்த‍ பல்வேறு விஷயங்களை, செய்திகளை பலரும் பயன்பெற வேண்டும் என்ற உயர்ந்த நோக்கோடு விதை2விருட்சம் இணையத்தில் பகிர்ந்து வருகிறேன். அவ்வாறு பகிரும் இடுகையின் கீழே, அதன் உரிமையாளரது பெயரை அல்ல‍து இணையத்தின் பெயரை அல்ல‍து பத்திரிகையின் பெயரை குறிப்பிட்டு வருகிறேன். ஒரே இடுகை, பல‌ இணையங்களில் நான் காணும்போது, அதை பொதுவாக “இது விதை2விருட்சம் இணையத்தின் பதிவு அல்ல‍”!” என்ற வரியினை குறிப்பிடுகிறேன். ஆகையால் திருடன் என்ற வார்த்தை பொருத்தமற்ற‍தாக இருக்கிறது.

      விதை2விருட்சம் இணையத்தில், எனது சொந்த படைப்புக்களே இல்லை என்று தாங்கள் கூறியிருப்ப‍து, த‌ங்களது அரைவேக்காட்டு தனத்தையே காட்டுகிறது. எனது படைப்புகள், ஆசிரியர் வகையினத்தில் பாருங்கள் பாடல் பற்றிய விமர்சனங்கள், விளம்பரங்கள் பற்றிய விமர்சனங்கள் உட்பட பல்வேறு இடுகைகளை எழுதியிருக்கிறேன். மேலும் நான் எழுதி பல்வேறு சிற்றிதழ்களில் வெளிவந்த‌ கட்டுரைகளான “ஆவிகள் இல்லையடி பாப்பா”, “எழுவதும் வீழ்வதும் பெற்றோர்களின் கையிலே”, “வரம்” (சிறுகதை), “சென்னையில் ஒருநாள்” “பாலியல் கல்வியின் அவசியமும் முக்கியத்துவமும்” போன்ற படைப்புகளோடு கவிதைகளையும் படைத்திருக்கிறேன். இன்னும் படைத்தும் வருகிறேன். ஆகையால் முழுக்க‍ முழுக்க‍ வெட்டுதல் ஒட்டுதல் என்ற தங்களது வாதமும் இங்கே எடுபட வில்லை.

      மேலும் நான் வெளியிட்ட‍ வீடியோவில் பேசிய பேச்சாளர்களை, எந்தவிதமான வசவு வார்த்தைகளைக் கொண்டும் விமர்சிக்கவில்லை. மேலும் இவ்வாறு பேசிய பேச்சாளர்களின் பேச்சுக்களில் உள்ள‍ தடுமாற்ற‍ங்களை வீடியோ எடிட்டிங் மூலமாக வெட்டி, அவர்கள் பேசிய நல்ல‍ பேச்சுக்களை யூ டியூபில் பதிவேற்றி இருக்க‍லாமே! என்ற யோசனையைத்தான் நான் தெரிவித்திருக்கிறேன்.

      இந்த விளக்க‍ம் தங்களுக்கு சொல்ல‍ வேண்டிய‌ அவசியமில்லை என்றாலும், தங்களைப் போன்றவர்களுடன் நட்பு பாராட்ட விரும்புகிறேன். அதனால்தான் இந்த மின்னஞ்சல்!

      நான் ஏதேனும் தவறு செய்திருந்தாலும் அதை சுட்டிக்காட்ட‍ உங்களுக்கு முழு உரிமை உண்டு.

      என்றென்றும் தங்களது நட்பினை விரும்பும்
      விதை2விருட்சம் ரா. சத்தியமூர்த்தி

  • Mr.Sathyamoorthy , you are right in what you are doing.
    I was shocked to see people talking about Tamil and Poetry without even knowing the pronunciation and anything about Tamil at all.
    The gentleman who spoke first gave the impression that he was a seasoned speaker but could not pronounce words properly.
    And there was an unsupported quote attributed to Sankaracharya of Kanchi.
    Self styled protectors of Tamil must first learn to speak Tamil properly first.
    These are not children in a cultural programme of a school function to be appreciated for any thing they do.

Leave a Reply