Friday, November 15அரியவை அறிந்திட, தெரிந்தவை தெளிந்திட

அடங்கியது இராமாயணம்… நான்கே வரிகளில்… வரிக்கு நான்கே வார்த்தைகளில் …

அடங்கியது இராமாயணம்… நான்கே வரிகளில்… வரிக்கு நான்கே வார்த்தைகளில் …

அடங்கியது இராமாயணம்… நான்கே வரிகளில்… வரிக்கு நான்கே வார்த்தைகளில் …

இந்து சமயத்தின் முக்கியமான நூல்களுள் முதன்மையானதாக போற்றப் பட்டு வருவது இராமாயணம் ஆகும். இதனை

வால்மீகி, சமஸ்கிரத மொழியில் இயற்றியுள்ளார். இந்த வால்மீகி இராமாயணத்தைத் தான் தமிழில் கம்பர், இராமயணத்தை எழுதினார். அதனால் இதற்கு கம்ப ராமாயணம் என்றே பெயர் பெற்ற‍து.

இந்த வால்மீகி இராமாயணம் மொத்த‍ம் 7 காண்டங்களாக‌ அதாவது பாலகாண்டம், அயோத்தியா காண்டம், ஆரண்ய காண்டம், கிஷ்கிந்தா காண்டம், சுந்தர காண்டம், யுத்த காண்டம், உத்த‍ர காண்டம்ஆகும். இந்த 7 காண்டங்களிலள்ள‍ பாடல்களை எண்ணிக்கை 24,000 ஆகும். இந்த 24,000 பாடல்களிலும் இராமரின் பிறந்தது முதல் இறந்தது வரை அவரது முழு வரலாற்றையும் எடுத்துக் காட்டுகிறது.

அந்த 24,000 பாடல்களைக் கொண்ட இராமாயணம், இங்கே நான்கு வரிகளில்… வரிக்கு நான்கு வார்த்தைக ளில் அடங்கியது. அத்தகைய சிறப்பு வாய்ந்த வரியினை கீழே படியுங்கள் பக்தியுறுங்கள்.

“பிறந்தார் வளர்ந்தார் கற்றார் பெற்றார்

மணந்தார் சிறந்தார் துறந்தார் நெகிழ்ந்தார்

இழந்தார் அலைந்தார் அழித்தார் செழித்தார்

துறந்தார் துவண்டார் ஆண்டார் மீண்டார்

விரிவான விளக்கம் இதோ . . .

முதலாவது வரியில்… இடம்பெற்றுள்ள‍ நான்கு வார்த்தைகளுக்கான விளக்கம்

1. பிறந்தார்:

  • ஸ்ரீராமர்… கௌசல்யா தேவிக்கு தசரதரின் ஏக்கத்தைப் போக்கும் படியாக பிறந்தது.

2.வளர்ந்தார்:

  • தசரதர், கௌசல்யை, சுமித்திரை, கைகேயி ஆகியோர் அன்பிலே வளர்ந்தது

3.கற்றார்:

  • வஷிஷ்டரிடம் சகல வேதங்கள் ஞானங்கள் கலைகள் முறைகள் யாவும் கற்றது.

4.பெற்றார்:

  • வஷிஷ்டரிடம் கற்ற துனுர்வேதத்தைக் கொண்டு விஸ்வாமித்ரர் யாகம் காத்து விஸ்வாமித்ரரை மகிழ்வித்து பல திவ்ய அஸ்திரங்களை பெற்றது.

இரண்டாவது வரியில்… இடம்பெற்றுள்ள‍ நான்கு வார்த்தைகளுக்கான விளக்கம்

1.மணந்தார்:

  • ஜனகபுரியில் சிவனாரின் வில்லை உடைத்து ஜனகர்-சுனயனாவின் ஏக்கத்தை தகர்த்து மண்ணின் மகளாம் சீதையை மணந்தது.

2.சிறந்தார்:

  • அயோத்யாவின் மக்கள் மற்றும் கோசல தேசத்தினர் அனைவர் மனதிலும் தன் உயரிய குணங்களால் இடம் பிடித்து சிறந்து விளங்கியது.

3.துறந்தார்:

  • கைகேயியின் சொல்லேற்று தன்னுடையதாக அறிவிக்கப்பட்ட ராஜ்ஜியத்தை துறந்து வனவாழ்வை ஏற்றது.

4. நெகிழ்ந்தார்:

  • அயோத்தியா நகரின் மக்களின் அன்பைக் கண்டு நெகிழ்ந்தது.
  • குகனார் அன்பில் நெகிழ்ந்தது.
  • பரத்வாஜர் அன்பில் நெகிழ்ந்தது.
  • பரதரின் அப்பழுக்கற்ற உள்ளத்தையும் தன்மீது கொண்டிருந்த பாலனைய அன்பினையும் தன்னலமற்ற குணத்தையும் தியாகத்தையும் விசுவாசத்தையும் கண்டு நெகிழ்ந்தது.
  • அத்ரி-அனுசூயை முதல் சபரி வரையிலான சகல ஞானிகள் மற்றும் பக்தர்களின் அன்பிலே நெகிழ்ந்தது.
  • சுக்ரீவர் படையினரின் சேவையில் நெகிழ்ந்தது.
  • விபீஷணரின் சரணாகதியில் நெகிழ்ந்தது.
  • எல்லாவற்றுக்கும் மேலாக ஆஞ்சநேயரின் சேவையைக் கண்டு, ‘கைம்மாறு செய்ய என்னிடம் எதுவுமில்லை. என்னால் முடிந்தது என்னையே தருவது’ எனக்கூறி ஆஞ்சநேயரை அணைத்துக் கொண்டது.

மூன்றாவது வரியில்… இடம்பெற்றுள்ள‍ நான்கு வார்த்தைகளுக்கான விளக்கம்

1.இழந்தார்:

  • மாய மானின் பின் சென்று அன்னை சீதையை தொலைத்தது.

2.அலைந்தார்:

  • அன்னை சீதையை தேடி அலைந்தது.

3.அழித்தார்:  

  • இலங்கையை அழித்தது.

4.செழித்தார்:

  • சீதையை மீண்டும் பெற்று அகமும் முகமும் செழித்தது.
  • ராஜ்ஜியத்தை மீண்டும் பெற்று செல்வச் செழிப்பான வாழ்க்கைக்கு திரும்பியது.

நான்காவது வரியில்… இடம்பெற்றுள்ள‍ நான்கு வார்த்தைகளுக்கான விளக்கம்

1.துறந்தார்:

  • அன்னை சீதையின் தூய்மையை மக்களில் சிலர் புரிந்து கொள்ளாத நிலையில் மக்களின் குழப்பத்தை நீக்குவதற்காக அன்னை சீதையை துறந்தது.

2.துவண்டார்:

  • அன்னை சீதையை பிரிய நேர்ந்தது சீராமருக்கு மிகுந்த வலியை தந்தது. அந்த வலி அவரை சில காலம் மனதளவில் துவள செய்தது.

3.ஆண்டார்:

  • என்ன தான் மனதினுள் காயம் இருந்தாலும் மக்களுக்கு செய்ய வேண்டிய கடமைகள் அனைத்தையும் குறைவற செய்து மக்கள் உடலால், மனதால் ஆரோக்கியமானவர்களாகவும் செல்வச் செழிப்புடன் வாழும்படியும் பார்த்துக் கொண்டது.

4.மீண்டார்:

  • பதினோறாயிரம் ஆண்டுகள் நல்லாட்சிசெய்து மக்கள் அனைவரை யும் ராமராகவும் சீதையாகவும் மாற்றி தன்னுடனே அழைத்துக் கொண்டு தன் இருப்பிடமான வைகுண்டம் மீண்டது”.  ஜெய் ஸ்ரீராம்.

=> இலக்குமனா

இந்த வரியினை கீழ் உள்ள‍ புகைப்படத்தை கிளிக் செய்யவும்

Leave a Reply