Tuesday, August 20அரியவை அறிந்திட, தெரிந்தவை தெளிந்திட

குழந்தைகள் ஏன் பொய் சொல்கிறார்கள் – சில உளவியல் காரணங்கள்

குழந்தைகள் ஏன் பொய் சொல்கிறார்கள் – சில உளவியல் காரணங்கள்

குழந்தைகள் ஏன் பொய் ( #Lie) சொல்கிறார்கள் – சில உளவியல் காரணங்கள் ( #Psychological #Reason ) 

கள்ள‍மில்லா வெள்ளை உள்ள‍ம் பிள்ளை உள்ளம் என்பார்க‌ள். அப்படிப்பட்ட‍

சூழ்நிலையில் நமது குழந்தைகள் தொடர்ந்து பொய் சொல்லும் போது எங்கே நம் குழந்தை கெட்டுப்போய்விடுமோ என்ற அச்ச த்தில் சில பெற்றோர்களுக்கு மன உளைச்சலே ஏற்பட்டுவிடும்.

பெற்றோரின் மனம், தீடீரென ஒரு சூழலில் குழந்தை பொய் சொல்லத் தொடங்கு ம்போது பதற்றம் கொள்கிறது. அதிலும் சில குழந்தைகள் தொடர்ந்து பொய் சொல்லும்போது எங்கே நம் குழந்தை கெட்டுப்போடுமோ என்ற அச்சத்தில் சில பெற்றோர்களுக்கு மன உளைச்சலே ஏற்பட்டு விடும். குழந்தைகள் ஏன் பொய் சொல்கிறார்கள் என்பதற்கான கார ணத்தை அறிந்து கொள்ளலாம்.

உண்மையில் குழந்தைகள் பொய் சொல்வது என்பது அவர்களின் புத்திசாலித்தன த்தின் வெளிப்பாடு என்கிறார்கள் உளவியலாளர்கள். குழந்தையின் பொய்களுக்கு பின்னே அவர்களின் நரம்பியல் வளர்ச்சி, சமூகத்தை புரிந்துகொ ள்ளும் பாங்கு, அறிவார்த்தம், உணர்ச்சி நிலை ஆகியன எல்லாம் மேம்பட்டு இருப்பதை உணரலாம் என்கிறார்க ள்.

குழந்தைகள் பொய் சொல்வதற்குப் பல காரணங்கள் உள்ளன. பெரும்பாலான குழந்தைகள் பிரச்சினைகளுக்கு முற்றுப்புள்ளி வைப்பதற்காகவோ பிரச்சனைகளை தவிர்ப்பதற்காகவோ தான் பொய் சொல்கிறார்கள்.

சின்னஞ்சிறு குழந்தைகளிடம் தவறு செய்வதற்கும் தவறான நபராக இருப்பதற்குமான இடைவெளி பற்றிய புரிதல்கள் குறைவாகவே உள்ள ன. அதாவது, தவறு செய்வதாலேயே நாம் தவறான நபராகிவிட மா ட்டோம் என்ற புரிதல் பெரியவர்களிடம் உண்டு. குழந்தைகள் இப்படி க்கருதுவது இல்லை. தவறுசெய்பவர்கள் தவறான மனிதர்கள் என்று கருதுகிறார்கள். எனவே, அவர்கள் செய்த ஏதாவது குறும்பு அல்லது தவறைப் பற்றி விசாரிக்கும்போது, அதை ஒப்புக்கொள்ள மறுக்கிறா ர்கள். ஏனெனில், அதை ஒப்புக்கொள்வது அவர்கள் தவறானவர்கள் என ஒப்பு க்கொள்வதற்குச் சமம்.

குழந்தைகளுக்கு நல்லது, தீயதைச் சொல்லித்தந்து, சமூக ஒழுக்கத்தை, நற்பழக்க ங்களை பின்பற்ற வைப்பதற்காக அவர்களைச் சற்று கண்டிப்புடன் வளர்க்க வேண்டியது அவ சியம்தான். ஆனால், அதற்காக நாம் அவர்களிடம் கடுமை யாக நடந்துகொள்ளக் கூடாது. ஒழுங்காக இருப்பது என்ப து பின்பற்றியே ஆகவேண்டிய விதி என்பதைவிடவும் ஒழு ங்காக இருப்பது வாழ்க்கைக்கு மிகவும் நல்லது என்பதைப் புரியவைப்பதாக நம் அணுகுமுறை இருக்க வேண்டும். குழந்தைகள் உணர்வுப்பூர்வ மான வர்கள். அவர்களின் உணர்வுகளை நாம் மதிக்க வேண்டும். அறிவா ர்த்தமாக அவர்களிடம் பிரசங்கிப்பதைவிடவும் உணர்வுப்பூர்வமாக அவர்களுடன் உரையாடுவதும் கதைகள் போன்றவற்றின் வாயிலாக புரியவைப்பதும் நல்ல பலன் அளிக்கக்கூடிய முயற்சிகள்.

தொடர்ந்து பொய் சொல்லும் குழந்தைகளிடம் தோழமையுடன் நடந்துகொள்ளவது அவசியம். அவர்கள் பொய் சொல்லும் போதெல்லாம் அதைக் கண்டு  பிடித்து சுட்டிக்காட்டிக்கொண்டே இருப்பவர்களாக நாம் இருந்தால், குழந்தைகள் நம்மிடம் இருந்து விலகிக்கொண்டே இருப்பார்கள். மா றாக, அவர்கள் பொய் சொல்வதற்கான வாய்ப்புகளைக் குறைக்க முடியுமா என்று பார்க்கலாம். அதாவது பொய்சொல்வது ஒரு ஒழுக்க க்கேடான விஷயம் என்பதைப் புரியவைக்க வேண்டியது அவசியம். ஆனால், பொய் சொல்வது தண்டனைக்கான வாய்ப்பை உருவாக்கும் என்கிற மன ப்பதிவு இருந்தால் தண்டனை கொடுப்பதை பற்றி மறுபரிசீலனை செய்யுங்கள்.

குழந்தைகள் சிறிய குற்றங்களை ஏற்றுக்கொள்ளும் போது அவ ர்களின் நடத்தையைப் பாராட்டுங்கள். ஆனால் அந்த செயல் தவறு என்பதைப் புரியவையுங்கள். சிறிய சிறிய பரிசுகள், எளிய பாரா ட்டுக்கள் போன்றவை சிறந்த பலன்களைத் தரும்.

குழந்தைகள் பொய் சொல்வது ஒரு இயல்பான செயல்தான் என்பதைப் புரிந்து கொ ள்ளுங்கள். குழந்தைகளை நல்வழிப்படுத்தும்போது அவர்க ளுக்குப் பொய் சொல்வதைத்தவிர வேறு வழி இல்லை எனு ம் நெருக்கடியை ஏற்படுத்தாதீர்கள். குழந்தைகளிடம் அவர்க ள் பொய்யர்கள் எனக் குற்றம்சாட்டாதீர்கள். ஆனால், பிர ச்னை என்ன என்பதை அவர்கள் புரிந்துகொள்ளும்படியாக எடுத்துச் சொல்லுங்கள்.

=> நிவேதா தாமஸ்

இந்த இணையம் இலவசமாக தொடர… கீழ்க்காணும் புகைப்படத்தை அல்லது விளம்பரத்தை கிளிக் செய்யவும்

Leave a Reply