Sunday, August 25அரியவை அறிந்திட, தெரிந்தவை தெளிந்திட

ராதாரவியை கடுமையாக‌ கண்டித்த‍ நடிகை நயன்தாரா அதிரடி அறிக்கை

ராதாரவியை கடுமையாக‌ கண்டித்த‍ நடிகை நயன்தாரா அதிரடி அறிக்கை

ராதாரவியை கடுமையாக‌ கண்டித்த‍ நடிகை நயன்தாரா அதிரடி அறிக்கை

நேற்று முன்தினம் கொலையுதிர் காலம் திரைப்படத்தின்

பத்திரிகையாளர் சந்திப்பு நடைபெற்றது. இந்த சந்திப்பில் நடிகர் ராதாரவி கலந்து கொண்டு பேசியதாவது, ‘சினிமாத்துறையில் எம்.ஜி.ஆர், சிவாஜி போன்றவர்கள் எல்லாம் ஒரு லெஜண்ட் ஆவார்கள். அவர்கள் சாகாவரம் பெற்றவர்கள். அவர்களுடன் எல்லாம் நயன்தாராவை ஒப்பிடுவது மிக வருத்தம் அளிக்கிறது. நயன்தாரா நல்ல நடிகை, இவ்வளவு நாள் திரையுலகில் நிலைப்பதே பெரிய விஷயமாகும். அவரைப் பற்றி வராத செய்தியே கிடையாது. அதெல்லாம் தாண்டி நிற்கிறார்கள். தமிழ்நாட்டு மக்கள் எப்போதுமே ஒருவிஷயத்தை 4நாட்கள் மட்டுமே ஞாபகம் வைத்திருப்பர்  பின் விட்டுவிடுவார்கள். நயன்தாரா ஒருபக்கம் பேயாகவும் நடிக்கி றார். இன்னொரு பக்கம் சீதாவாகவும் நடிக்கிறார். முன்பெல்லாம் சாமி வேஷம் போட வேண்டும் என்றால் K.R.விஜயாவைதான் தேடுவார்கள். ஆனால் இப்போது யார் வேண்டு மானாலும் நடிக்கலாம். இப்போது பார்த்தவுடன் கும்பிடத் தோன்றுபவர்களும் நடிக்கலாம், பார்த்தவுடன் கூப்பிடத் தோன்றுபவர்களும் நடிக்கலாம் என பேசியுள்ளார்.

இவரது பேச்சுக்கு இயக்குனர் விக்னேஷ் சிவன், விஷால், ராதிகா, வரலட்சுமி, சின்மயி, மிலிந்த் ராவ் உட்பட திரையுலகை சேர்ந்த பலரும் கண்டனம் தெரிவித்தனர். அதனைத் தொடர்ந்து கழக கட்டுப்பாட்டை மீறியும், கழகத்திற்கு அவப்பெயர் ஏற்படும் வகையிலும் செயல்பட்டு வருவதால், திமுகவின் அடிப்படை உறுப்பினர் உள்ளிட்ட அனைத்துப் பொறுப்புகளில் இருந்தும் அவர் தற்காலிகமாக நீக்கி வைக்கப்படுவதாக திமுக தலைமை அறிவித்தது.

இந்நிலையில், இந்த பிரச்சனை குறித்து நயன்தாரா அறிக்கை ஒன்றை வெளியிட்டார். அதில் அவர் கூறியிருப்பதாவது,

நான் பொதுவாக அறிக்கைகள் வெளியிடுவதில்லை. பெண்களுக்கு எதிரான ஆண்களின் தவறான கருத்துகள் மற்றும் உணர்ச்சிப்பூர்வதான கருத்துகளால் இந்த அறிக்கையை வெளியிட வேண்டிய நிலை ஏற்பட்டுள்ளது. நடிகர் ராதாரவியை கட்சியில் இருந்து நீக்கிய நடவடிக்கை எடுத்த திமுக தலைவர் முக ஸ்டாலினுக்கு எனது நன்றியையும் பாராட்டுக் களையும் தெரிவித்துக் கொள்கிறேன்.

அவரும் ஒரு பெண்ணின் வயிற்றில் தான் பிறந்தார் என்பதை ராதாரவி உள்ளிட்ட அவரைப் போன்றவர்கள் மறக்க வேண்டாம். சினிமா துறையில் மூத்த நடிகராக இவர் மற்ற இளம் தலைமுறையினருக்கு முன்னுதாரணமாக, வழிகாட்டுபவராக திகழ வேண்டும். திரைப்படத்தில் வாய்ப்பு கிடைக்காமல் போனதால் தன்னை பற்றி சர்ச்சைக்குரிய வகையில் கருத்து தெரிவித்த ராதாரவியை விசாரிக்க குழு அமைக்க வேண்டும்.

சரியான பட வாய்ப்பு இல்லாததால், தன் மீதான கவனத்தை ஈர்க்க வேண்டும் என்பதற்காக இது போன்று கீழ்த்தரமாக பேசி பிரபலமடைய முயற்சிக்கிறார் ராதா ரவி. இதில் வேதனை யளிக்கும் விஷயம் என்னவென்றால் அவருடைய கீழ்த்தரமான பேச்சுக்கு அங்கிருந்தவர்கள் கைத்தட்டி, சிரித்து கேட்பது தான். ராதாரவி போன்ற பெண்களுக்கு எதிராக பேசுபவர்களை பொதுமக்களும், ரசிகர்களும் ஆதரிக்கக் கூடாது என்பதே என் கோரிக்கை. ராதாரவியின் இத்தகைய கேவலமான பேச்சுக்கு எனது கடும் கண்டனத்தை தெரிவித்துக் கொள்கிறேன்.

எனது திறமைக்கு ஏற்ற வேலையை கடவுள் எனக்கு கொடுத்திருக்கிறார். எனது ரசிகர்களுக்காக நான் என்னால் முடிந்த வித்தியாசமான கதாபாத்திரங்களை தேர்வு செய்து நடித்து வருகிறேன். இனியும் நடிப்பேன். கடைசியாக உச்சநீதிமன்ற தீர்ப்பின்படி நடிகர் சங்கத்தில், விசாகா வழிகாட்டு முறையின் அடிப்படையில் குழு அமைக்க நடவடிக்கை எடுக்கப்படுமா? என்பதே தென்னிந்திய நடிகர் சங்கத்திற்கு எனது பணிவான கேள்வி. எனக்கு துணையாக நின்ற, நிற்கும் அனைவருக்கு ம் எனது நன்றியை தெரிவித்துக் கொள்கிறேன். இவ்வாறு அதில் குறிப்பிட்டுள்ளார்.

#Nayanthara #RadhaRavi #NadigarSangam #KolaiyuthirKaalam #ராதாரவி #திமுக #தலைவர் #முகஸ்டாலின் #MKStalin  #நயன்தாரா

Leave a Reply