Sunday, May 16அரியவை அறிந்திட, தெரிந்தவை தெளிந்திட

ம‌னம் கவரும் மட்டன் சுக்கா

ம‌னம் கவரும் மட்டன் சுக்கா

விடுமுறை நாட்களில் குறிப்பாக ஞாயிற்றுக் கிழமைகளில் மட்டனை விதவிதமாக சமைத்து பொறுமையாக உட்கார்ந்து சாப்பிட்டால் எவ்வளவு சூப்பராக இருக்கும். அதிலும் மட்டன் சுக்கா செய்து ரசம் சாதத்துடன் சாப்பிட்டால் அற்புதமாக இருக்கும்.

தேவையான பொருட்கள்:

மட்டன் – 200 கிராம்
சின்ன வெங்காயம் – 1/4 கப்
பூண்டு – 10 பற்கள்
தக்காளி – 1
மஞ்சள் தூள் – 1/2 டீஸ்பூன்
மிளகாய் தூள் – 1 டீஸ்பூன்
மல்லித் தூள் – 1/2 டீஸ்பூன்
கெட்டியான தேங்காய் பால் – 2 டேபிள் ஸ்பூன்
உப்பு – தேவையான அளவு
தாளிப்பதற்கு:
சோம்பு – 1/2 டீஸ்பூன்
பட்டை – 1/4 இன்ச்
கிராம்பு – 2
பிரியாணி இலை – 1
கறிவேப்பிலை – சிறிது
எண்ணெய் – 2 டீஸ்பூன்

செய்முறை:

முதலில் மட்டனை நன்கு சுத்தமாக கழுவி தனியாக வைத்துக் கொள்ள வேண்டும். பின்னர் ஒரு குக்கரை அடுப்பில் வைத்து, அதில் மட்டன் துண்டுகளைப் போட்டு, மஞ்சள் தூள், 1/4 டீஸ்பூன் மிளகாய் தூள், உப்பு சேர்த்து நன்கு நிறம் மாறும் வரை கிளறி விட வேண்டும். பின்பு அதில் சிறிது தண்ணீரை ஊற்றி, மிதமான தீயில் 5-6 விசில் விட்டு இறக்கிக் கொள்ள வேண்டும்.

பிறகு ஒரு வாணலியை அடுப்பில் வைத்து, அதில் எண்ணெய் ஊற்றி, தாளிப்பதற்கு கொடுத்துள்ள பொருட்களை சேர்த்து தாளித்து, பின் வெங்காயம், பூண்டு சேர்த்து பொன்னிறமாக வதக்க வேண்டும்.

பின் அதில் தக்காளி சேர்த்து, பச்சை வாசனை போக நன்கு வதக்கி, பின் மீதமுள்ள மிளகாய் தூள், மல்லித் தூள் சேர்த்து கிளறி, வேக வைத்துள்ள மட்டனை நீருடன் சேர்த்து நன்கு கிளறி விட வேண்டும்.

மட்டனில் உள்ள தண்ணீர் வற்றியதும், அதில் தேங்காய் பால் சேர்த்து, தேங்காய் பாலும் வற்றும் வரை நன்கு கிளறி இறக்கினால், மட்டன் சுக்கா தயார். வாழை இலையில் வைத்து சாப்பிடுங்க இன்னும் சுவை கூடுங்க•

=> மதன்ராஜ்

#மட்டன், #மட்டன்_சுக்கா, #சுக்கா, #ஆட்டுக்கறி, #கறி, #ஆடு, #விதை2விருட்சம், #Muttan, #Mattan_Chuka, #Sukha, #Curry, #Goat, #vidhai2virutcham, #vidhaitovirutcham

Leave a Reply

This is default text for notification bar
This is default text for notification bar
%d bloggers like this: