Monday, June 17அரியவை அறிந்திட, தெரிந்தவை தெளிந்திட

157 நாட்களில் 50 கோடி – உச்சம் தொட்ட‌ ரௌடி பேபி – ஆடலும் பாடலும்

157 நாட்களில் 50 கோடி – உச்சம் தொட்ட‌ ரௌடி பேபி – ஆடலும் பாடலும்

கடந்த ஆண்டு இறுதியில் யுவன் சங்கர் ராஜா இசையில் தனுஷ், சாய்பல்லவி, நடிப்பில் உருவாகி வெளியான திரைப்படம் ‘மாரி 2’. இந்த படத்தின் பாடல்கள் ரசிகர்களிடையே நல்ல வரவேற்பை பெற்றது. குறிப்பாக ரவுடி பேபி என்ற பாடலை தனுஷ் எழுதி பாடி இருந்தார். இந்த பாடலுக்கு பிரபு தேவா நடனம் அமைத்திருந்தார். இந்த பாடலில் தனுஷ், சாய் பல்லவியின் நடனம் ரசிகர்களை கவரும் வண்ணம் அமைக்கப்பட்டிருந்தது.

‘மாரி 2’ படம் வெளியான சில நாட்களிலேயே ரவுடி பேபி பாடலின் வீடியோவை ‘யூடியூப்’பில் படக்குழுவினர் வெளியிட்டனர். இணையத்தில் வைரலான இந்த பாடல் சர்வதேச பில்போர்ட் இசைப்பட்டியலிலும் இடம்பெற்று புதிய சாதனை படைத்தது.

இந்த பாடல் வெளியான 16 நாட்களில் 10 கோடி பார்வைகளையும், 41 நாட்களில் 20 கோடி பார்வைகளையும், 69 நாட்களில் 30 கோடி பார்வைகளையும், 104 நாட்களில் 40 கோடி பார்வைகளையும் 157 நாட்களில் 50 கோடி பார்வைகளையும் பெற்றுள்ளது.

இதன் மூலம் தென்னிந்திய மொழிகளில் வெளியான பாடல்களிலேயே அதிக பார்வைகளை பெற்றுள்ளது. இதுகுறித்து தனுஷின் தயாரிப்பு நிறுவனம் தனது டுவிட்டர் பதிவில், “எங்களுடைய ரவுடி பேபி பாடலுக்கு நீங்கள் காட்டிய அன்பால் பேச்சின்றி திகைத்துப் போய் இருக்கிறோம்” என்று தெரிவித்துள்ளது.

Dhanush, Rowdy Baby, Sai Pallavi, தனுஷ், ரவுடி பேபி, ரௌடி பேபி,| சாய் பல்லவி, பிரபுதேவா, யுவன்சங்கர் ராஜா, விதை2விருட்சம், நடிகை, மாரி, Prabudeva, Yuvan shankar Raja, vidhai2virutcham, vidhaitovirutcham, seed to tree

Leave a Reply

%d bloggers like this: