Thursday, December 5அரியவை அறிந்திட, தெரிந்தவை தெளிந்திட

நெஞ்சு வலி இன்றி மாரடைப்பு – அபாயத்தின் உச்சம்

நெஞ்சு வலி இல்லாமலேயே மாரடைப்பு – அபாயத்தின் உச்சம்

பெரும்பாலானவர்கள், நெஞ்சு வலியை வைத்தே பெரும்பாலும் மாரடைப்பை இனங்கண்டுக் கொள்வார்கள். ஆனால் சிலருக்கு நெஞ்சு வலி ஏற்படாமலேயே மாரடைப்பு ஏற்படக்கூடும் அதை ‘சைலன்ட் அட்டாக்‘ என சொல்வார்கள்.

வயது முதிர்ந்தவர்களுக்கும், சர்க்கரை நோயாளிகளுக்கும் நரம்பு கோளாறு உள்ளவர்களுக்கும் இவ்வகை மாரடைப்பு ஏற்படும் வாய்ப்பு அதிகம். அதேபோல எவ்வித உடற்பயிற்சி, உணவுக்கட்டுப்பாடு இன்றி ஒரே இடத்தில் உட்கார்ந்து வேலை பார்ப்பவர்களுக்கும் வலியில்லா மாரடைப்பு ஏற்பட வாய்ப்பு உண்டு எனப்படுகின்றது.

அந்தவகையில் மாரடைப்பு வர காரணம் என்ன? அறிகுறிகள் பற்றி பார்க்கலாம்.

யாருக்கு அதிகம் வர வாய்ப்பு அதிகம்?

பெண்களுக்கு மாதவிடாய் முழுமையாக நிற்பதற்கு முந்தைய கால கட்டங்களில் மாரடைப்பு வரும் வாய்ப்பு குறைவு. மாத விடாய் நின்றவுடன் மாரடைப்புக்கான வாய்ப்பு ஆண்களைவிட அதிகம்.

அறிகுறிகள்

மேல்வயிறு, தோள்பட்டை, கழுத்து வலி, சில நேரங்களில் தலை வலி, மயக்கம் போன்றவை கூட இம்மாரடைப்பின் அறிகுறிகளாக இருக்கும். குறிப்பாக திடீரென்று மூச்சு வாங்குதல், வயிறு மற்றும் நெஞ்சு எரிச்சல் ஏற்பட்டால், இது மாரடைப்பா என்பதை இ.சி.ஜி., மூலம் தெரிந்துகொள்ள வேண்டும்.

பரிசோதனை செய்ய வேண்டுமா?

வருடத்திற்கு ஒருமுறை எக்கோ பரிசோதனை, டிரெட்மில் எனப்படும் பரிசோதனை ஆகியவற்றை செய்ய வேண்டும். இப் பரிசோதனைகளின்போது நமது நாடித்துடிப்பு 100-க்கும் மேல் செல்லும்.

எனவே இதயத்தின் வேலைப்பளு கூடுகிறது. இவ்வாறு கூடும்போது, இ.சி.ஜி.,யில் மாற்றம் ஏற்படுகிறதா? என தெரிந்துகொள்ளலாம். இதயத்திற்குரிய முக்கிய பரிசோதனைகளை வருடத்திற்கு ஒரு முறை செய்வது நல்லது.

அவ்வாறு செய்தால் இதயத்தின் சிறுகோளாறுகளை கூட உடனுக்குடன் கண்டறிந்து சிகிச்சை பெற முடியும்.

ஏன் பெண்களுக்கு மாரடைப்பு வருகின்றது?

முறையாக உடற்பயிற்சி செய்வதில்லை.
நொறுக்குத்தீனி அதிகம் சாப்பிடுவதனால்.
எளிதில் மன அழுத்தத்திற்கும் உள்ளாகுவதனால்

எனவே பெண்கள் மாரடைப்பில் இருந்து தப்பிக்க சோம்பலான வாழ்வியல் முறையில் இருந்து விடுபடுவது அவசியமானது ஆகும்.

(படித்தது)

#ECG, #Echo, #Heart_Attack, #Symptoms, #இ.சி.ஜி, #இதயத்தின்_வேலைப்பளு, #உடற்பயிற்சி, #எக்கோ, #பரிசோதனை, #நரம்பு_கோளாறு, #நெஞ்சு_எரிச்சல், #நெஞ்சு_வலி, #நொறுக்குத்தீனி, #பெண்கள், #மாதவிடாய், #மாரடைப்பு, #seed2tree, #vidhaitovirutcham, #seedtotree, #vidhai2virutcham,

Leave a Reply