Thursday, September 23அரியவை அறிந்திட, தெரிந்தவை தெளிந்திட

சட்டத்தில் இதோ ஒரு வழி இருக்கிறது

சட்டத்தில் இதோ ஒரு வழி இருக்கிறது

கேள்வி (1) – என் பெயர் சதீஷ்குமார் எம்., நான், எனது நிலத்தில் வீடு கட்டி உள்ளேன் இதில் தெருவுக்கான இடத்தை ஒதுக்கி உள்ளேன். எனது வீட்டிற்கும் தெருவின் சிமென்ட் சாலைக்கும் இடையில் மூன்று வீடுகள் உள்ளது, அவர்களும் இதே போன்று தெருவுக்கான இடத்தை ஒதுக்கி விட்டு வீடு கட்டி உள்ளனர். ஆனால் யாரும் கிராம பஞ்சாயத்துக்கு என்று பத்திரம் மூலமாக எழுதி தரவில்லை. எனது வீட்டுக் கடன் தேவைக்காக இது தெருவிற்காக விடப்பட்டுள்ள வழிதான் என்று கிராம நிர்வாக அலுவலர் சான்று வழங்கி உள்ளார். அவர் இச்சான்று அளிக்க சட்டத்தில் ஏதேனும் வழி இருந்தால் அல்லது ஏதேனும் அரசு ஆணை இருந்தால் அதன் தகவலை கொடுத்து உதவுமாறு கேட்டுக் கொள்கிறேன்.

சரியான தீர்வு

உங்களைப்போல் பல நபர்களின் மனக்குமுறல்களையும் என் கவனகத்திற்குக் கொண்டுவரப்பட்டுள்ளது. இதன் காரணமாக வே நான் எழுதிய “தெரிந்ததும் – தெரியாததும்” என்ற தலைப்பின் கீழ் வெளியிடப்பட்ட நூலில் அரசின் கவனத்திற்கு நூலாசிரியரின் வேண்டுகோள் என்ற குறுந்தலைப்பில் பட்டா மாற்றலில் ஏற்படும் சிரமங்களைக் களைய வேண்டி என்னுடைய கருத்துக்களை நான் அரசிற்குத் தெரிவித்திரு க்கிறேன். மேலும், கிரயம் செய்யப்பட்ட சொத்து முழுமையாக ஒரே பெயரில் இருக்குமேயானால் அதன் பட்டா தற்போது உடனடியாக மாறிவிடுகின்றது. இதுவே ஒரு வெற்றி தான். இரண்டு ஆண்டுகளுக்குமுன் அரசின் கவனத்திற்குக் கொண்டு சென்ற எனது வேண்டுகோளின் ஒரு பகுதி:-

கடந்த ஆகத்து மாதம் 2019ஆம் ஆண்டு வெயிடப்பட்ட தெரிந்ததும் – தெரியாததும் தொகுதி மூன்று என்ற நூலில், 159 முதல் 161 வரை உள்ள பக்கங்களில் அரசின் கவனத்திற்கு நூலாசிரியரின் வேண்டுகோள் என்ற குறுந்தலைப்பின் கீழ் சொத்து வாங்குவதிலும் பட்டா மாற்றுவதிலும் பொது மக்களுக்கு ஏற்படுகின்ற சிரமங்கள் பற்றியும், அவற்றிற்காண தீர்வுகள் பற்றியும் குறிப்பிட்டிருந்தேன். அப்படிப்பட்ட அளவற்ற சிரமங்களையும், தேவையற்ற அலைச்சல்களையும் தவிர்க்கும் பொருட்டுக் கொடுக்கப்பட்டுள்ள வேண்டுகோளையும் கருத்தில் கொண்டு தழ்நாடு அரசு சமீபத்தில் கொண்டுவந்துள்ள சட்ட சீர்திருத்தம் பற்றி கடந்த 16..02.2020 மற்றும் 29.02.2020 ஆகிய தினங்களில் திருச்சி தினமலர் நாளிதழில் வெளியிட்டுள்ள செய்தி வழியாக அறிந்து கொண்டது எனக்கு மிகவும் பெருமை அளிக்கின்றது. இப்படிப்பட்ட சட்ட சீர்திருத்தம் பொதுமக்களின் ஏகோபித்த வரவேற்பைப் பெற்றுள்ளது என்பதையும் தங்களின் மேலான கவனத்திற்குக் கொண்டுவருவதில் பெருமை அடைகிறேன்.

மிகப்பல ஆண்டுகளாக எந்த அரசும் பொதுமக்களின் அளவற்ற சிரமங்களையும், தேவையற்ற அலைச்சல்களையும் களைவதற்கான முயற்சிகளை மேற்கொள்ளாத போது தற்போதைய அரசு இவற்றைக் கலையவேண்டி முனைப்புடன் செயல் பட்டதற்கு மக்கள் சார்பாக என்னுடைய உளமார்ந்த நன்றியினைத் தமிழ்நாடு அரசிற்குத் தெரிவித்துக் கொள்கின்றேன்.

அத்துடன் சொத்து வாங்குவதிலும், தற்போது இருக்கின்ற சொத்துக்களை முறையாக தங்களின் வாரிசுகளுக்குப் பிரித்துக் கொடுப்பதிலும், இதுபற்றி விவரம் அறியாத ஏழை எளிய மற்றும் நடுத்தர மக்கள் அனைவரும் அவர்களுடைய சொத்துக்கள் பதியப்படுவதற்குமுன் சட்ட வழிமுறைகளைச் சரிவர பின்பற்றாமல் பத்திரப்பதிவு செய்துவிட்டு பிற்காலத்தில் பல மன உளைச்சலுக்கு ஆளாகி விடுகின்ற மக்களுக்கு முன்கூட்டியே பதிவுசெய்யப்போகும் ஆவணத்தை மாவட்டம் வாரியாக வருவாய்த்துறை அதிகாரிகள் மற்றும் அரசு நிர்ணயிக்கப்பட்ட சட்ட வல்லுனர்களால் (120 நாட்களுக்குள்) பரிசீலனைசெய்து அதன் பின்னர் பத்திரப் பதிவு செய்வது போன்ற சீர்திருத்தம் கொண்டுவந்தால் மக்களுக்கு இது ஒரு மிகச் சிறந்த வரப்பிரசாதமாகவே அமையும் என்பதில் எவ்வித ஐயமுமில்லை. மேலும், முறையாக அரசு அங்கீகாரம் பெறப் படாத மனைகளை ஏழை எளிய விவரம் அறியாத மக்கள் வாங்கி விட்டுப் பின்னர் பல நிலைகளில் பரிதவிக்கும் மக்களுக்கும், இந்தச் சட்டம் ஒரு நல்ல தீர்வாகவே அமையும். இதனால், ஒருவர் வாங்கக் கூடிய சொத்துக்கள் முன்கூட்டியே சட்டப்படி சரிபார்க்கப் படுவதனால் அநேக மக்கள் இதனால் பயனடைவார்கள் என்பதும் உண்மையே.

ஆக, உங்களின் குறை நீண்டகாலமாகவே இருந்து வரும் ஒன்றுதான். எனவே நீங்கள் சம்பந்தப்பட்ட வட்டாட்சியரை அணுகி தேவையானால் ஒரு திருத்தல் பாத்திரம் போட்டு நீங்கள் உங்களுக்கான தீர்வினை பெற்றுக்கொள்ளலாம்.

C. Rasappa
Treasury Officer (Rtd.)

#சொத்து, #பஞ்சாயத்து, #பத்திரம், #சட்டம், #பட்டா, #வட்டாட்சியர், #சட்ட_சீர்திருத்தம், #வீட்டுக்கடன், #வீடு, #கடன், #விதை2விருட்சம், #Property, #Panchayat, #Deed, #Law, #Patta, #Governor, #Legal_Reform, #Home_Loan, #Home, #Debt, #Seed2tree, #seedtotree, #vidhai2virutcham, #vidhaitovirutcham,

2 Comments

  • ஐயா,

    இதுநாள் வரை இலவச சட்ட ஆலோசனை சேவை இணையம் வழியாக நான் அனுப்பிய ஆலோசனைகளுக்கு வாசகர்களின் கருத்துக்கள் எதாவது இருப்பின் எனது மின் அஞ்சலுக்கு அனுப்பி வைக்குமாறு கேட்டுக்கொள்கின்றேன்.

    அவைகளே என்னுடைய உற்சாகத்தை நெறிப்படுத்துவதற்கும் மற்றும் தூண்டுவதற்கும் உதவும் என நான் நினைக்கின்றேன்.

    நன்றி வணக்கம்.

    குமர. ராசப்பா
    சார் பதிவாளர் & கருவூல அதிகாரி (Rtd.)

  • கேள்வி 1:
    நிலத்தின் தன்மைக்கேற்றவாறு அவற்றின் பிரிவுகள், மண் வயணம், பாகுபாடு மற்றும் உட்பிரிவுகள் எவ்வாறு அழைக்கப்படுகின்றன?

    பதில்:1
    1858 ‘ம் ஆண்டு, அப்போது நிலவரித்தட்ட இயக்குனராக இருந்த “நெவின்” என்பவர் முதன் முதலாக மண் வயனம், பாகுபாடு ஆகியவற்றை ஆராய்ந்து தமிழ்நாட்டில் நிலவரித்திட்டத்தை அமுல்படுத்தினார். பிரதி முப்பது ஆண்டுகளுக்கொரு முறை மேற்கண்ட மறு நிலவரித்திட்டம் சீரமைப்பு நடைபெற வேண்டும் என்று 1867‘ம் ஆண்டே முடிவெடுக்கப்பட்டது. இருப்பினும், 1937 ஆம் ஆண்டுக்குப்பிறகு ஆங்கிலேயர் ஆட்சி காலத்திலோ அல்லது அதன் பிறகு ஆட்சிக்கு வந்தவர்களோ நிலவரித்திட்டத்தை நடைமுறைப்படுத்தவில்லை. இருப்பினும், 1937‘ம் ஆண்டு நில பதிவேட்டின்படி அன்றையதினம் நிலம் யாருடைய அனுபோகத்தில்/ கட்டுப்பாட்டில் இருந்ததோ அவற்றையெல்லாம் வரைமுறைப்படுத்தி பட்டா வழங்கப்பட்டது. இவ்வாறாக, 1987 ஆம் ஆண்டில் அதாவது ஐம்பது ஆண்டுகளுக்குப் பிறகு ஆங்காங்கே குடியேறிவர்களை கணக்கில் எடுத்துக்கொண்டு நிலத்திற்கான பட்டா வழங்கப்பட்டது. மேலும், 1937’ம் ஆண்டின் நிலப்பதிவேட்டின்படியோ, அல்லது அன்றைய தினமோ அல்லது அதற்கு முன்னரோ முறையாகப்பதியப்பட்ட பத்திரங்களின் அடிப்படையிலும், நிலத்தின் உரிமையாளரைத் தீர்மானிக்கும்படியாக முடிவு எடுக்கப்பட்டது. மேலும் மேற்கண்ட ஆவணங்களின் அடிப்படையில் நீதிமன்றத்தை நாடி தீர்வுகளும் காணப்பட்டன.

    கேள்வி 2
    “அ ” பதிவேடு என்றால் என்ன? அதில் காணப்படும் விளக்கங்கள் யாவை?

    பதில்: 2
    இப்படியாக, அரசு கொண்டுவந்த நிலவரித்திட்டத்தின்படி 1987 ஆம் ஆண்டு யு.டி.ஆர் (U.D.R) தயாரிக்கப்பட்டு அதன் அடிப்படையில் அனைத்து நிலத்திற்கும் பட்டா வழங்கப்பட்டது. அப்படி வழங்கப்பட்டபட்ட பட்டா விவரங்களனைத்தையும் (முன்பும்/பின்பும்) பதியப்பட்ட அரசு பதிவேட்டின் பெயர்தான் “A” REGISTER அல்லது “அ” பதிவேடு என்று அழைக்கப்படுகின்றது.

    கேள்வி: 3
    இதில் உள்ள பனிரெண்டு விதமான விளக்கங்கள் யாவை?

    பதில்: 3
    a: தற்போதைய நில அளவைப்படி புல எண் மற்றும் உட்பிரிவு எண்
    b. பழைய நில அளவைப்படி புல எண் அல்லது பைமாஷ் எண்
    c. ரயத்துவாரி அல்லது இனாம்
    d. புன்செய், மாணாவாரி, நன்செய், தீர்வை ஏற்படாத தரிசு, புறம்போக்கு, நன்செய்
    என்றால் பாசன ஆதாரமும் அதன் பிரிவும்.
    e. இருபோக நன்செய் என்றால் மொத்த தீர்வை ஆகியவற்றின் வீதம்.
    f. மண் வயனம் மற்றும் அதன் ரகம்
    g. மண் வயனம் மற்றும் அதன் தரம்
    h. ஹெக்டேர் அடிப்படையில் தீர்வை
    i. பரப்பளவு மற்றும்
    j. அதன் தீர்வை
    k. பட்டா எண் அல்லது இனாம் ஒழிப்பு, பட்டா எண் மற்றும் பதிவுபெற்ற உரிமையாளரின் பெயர்.
    l. குறிப்புரை.

    சொத்து என்றால் என்ன என்றும், அவை எத்தனை வகைப்படும் என்றும், நிலம் மற்றும் நிலம் சார்ந்த பொருள்கள் அனைத்துமே பத்திரப்பதிவிதின்போது அசையா சொத்துக்களாகக் கருதப்படல் வேண்டும் என்றும் அறிந்துகொள்வோம்.

    கேள்வி: 4
    இப்போது, நிலத்தின் தன்மைகளின் அடிப்படையில் அவற்றின் வகைகள் யாவை என்பதை அறிந்துகொள்வோம்.

    பதில்: 4
    மனிதரில் ஆயிரம் குணங்கள், நிறங்கள், தோற்றங்கள் இருப்பதுபோல நிலத்திலும் அவற்றின் தன்மைக்கேற்றவாறு பெயர்கள் மாறுபடுகின்றன.
    பொதுவாக நிலத்தினை ஆறு வகைகளாகப் பிரிக்கலாம். அதாவது மலை மற்றும் மலைசார்ந்த இடத்திற்கு “குறிஞ்சி” என்றும், காடு மற்றும் காடு சார்ந்த இடத்திற்கு “முல்லை” என்றும், கடல் மற்றும் சார்ந்த இடத்திற்கு “மருதம்” என்றும், வயல் மற்றும் வயல் சார்ந்த இடத்திற்கு “நெய்தல்” என்றும், வறண்ட மற்றும் தாவரங்களற்ற இடத்திற்கு “பாலை” என்றும், மிகச்சிறிய எண்ணிக்கையில் குடிகளைக்கொண்ட இடத்திற்கு “நொச்சி” என்றும் கூறுவதுண்டு

    கேள்வி 5:
    நிலத்தின் உட்கூறுகளாக நிலத்தினை எத்தனை வகைகளாகப் பிரிக்கலாம்.

    பதில்: 5
    a. நீர்வளம் நிறைந்த இடத்தை “நன்செய்” நிலம் என்கிறோம்.
    இந்நிலத்திற்குத் “திருத்து” என்றும் “கருஞ்செய்” என்றும் கூறப்பட்டுள்ளது.

    b. வானம் பார்த்த நிலம் அல்லது தோப்புகள் நிறைந்த இடம், மனைகள், கொல்லை,
    இவற்றைப் “புன்செய்” என்கிறோம்.

    c. ஆற்றின் ஒதுக்கத்தால் சாகுபடி செய்யப்படுகின்ற நிலத்தை “ஆற்றுவைப்பு” என்று
    கூறுகின்றோம்.

    d. ஆற்றை ஒட்டிய நிலத்தைப் “படுகை” என்று கூறுகின்றோம்.

    e. ஆற்றோரமான நிலத்தை “கரைவழி” என்றும் ஆற்று நீரின் பாய்ச்சலால் சாகுபடி
    செய்யப்படுகின்ற நிலத்திற்குக் “கார்புறவு” என்றும் சொல்லப்படுகின்றது.
    f. ஆறு மற்றும் குளங்களையடுத்துப் புறம்பாக உள்ள நிலத்திற்கு
    “வெளிவாய்ப்படுகை” என்று கூறப்பட்டுள்ளது.

    g. கிணற்று நீரை ஆதாரமாக வைத்துச் சாகுபடி செய்யப்படுகின்ற நிலத்தை
    “இறைப்புப்பட்டரை” என்று சொல்லப்படுகின்றது.

    h. ஏற்றமிட்டு நீர்பாய்ச்சி சாகுபடி செய்து வரும் கிணற்றைச்சுற்றியுள்ள நிலத்திற்கு
    “எற்றப்பட்டறை” என்றும் “தூர்வை” என்றும் கூறப்பட்டுள்ளது.

    i. கடலின் நடுவே அமைந்துள்ள இடத்திற்கு “அளக்கர்தினை” என்று
    சொல்லப்படுகின்றது.

    j. மழை நீரை ஆதாரமாக வைத்துச் சாகுபடி செய்து வரும் நிலத்திற்கு “வானம்பார்த்த
    பூமி” என்று சொல்கிறோம்.

    k. புன்செய் நிலத்தில் பருத்தி மட்டுமே சாகுபடி செய்து வந்தால் அந்நிலத்திற்கு
    “ஏரங்காடி” என்று பெயர்.

    l. விதைகள் விதைத்து நாற்று பயிராக்கிடும் இடத்திற்கு “நாற்றங்கால்” என்று பெயர்.
    m. அறுவடை செய்தபின் உழாமல் கிடக்கும் நிலத்திற்கு “சாட்டி” என்று பெயர்.

    n. ஆற்றின் மதகை ஒட்டிய நிலம் மற்றும் குளத்துநீர் பாய்ச்சலால் சாகுபடி செய்யும்
    நிலத்திற்கு “குளக்கீர்” என்று பெயர்.

    o. அரசுக்குச் சொந்தமான புறம்போக்கு நிலத்திற்கு “நகரி” என்று பெயர்.

    p. அரசுக்குச் சொந்தமான நிலத்திற்கு “பெரும்பேறு” என்று பெயர்.

    q. ஊர்குடிகள் பயிரிட உரிமையுள்ள இடத்திற்கு “குடிவார நிலம்” என்று பெயர்.

    r. இரண்டு மேடுகளுக்கு நடுவே அமைந்துள்ள நிலத்திற்கு “பள்ளத்தாக்கு” என்று
    பெயர்.

    s. பள்ளம் அல்லது தாழ்வான இடத்தில் அமைந்திருக்கும் நிலத்திற்கு “பள்ளத்தாக்குப்
    பகுதி” என்றும் “தகர்” என்றும் “தராய்” என்றும் கூறப்பட்டுள்ளது.

    t. புதிதாக திருத்தப்பட்டு விளைச்சலுக்கு தயாரான நிலத்திற்கு “தில்லியம்” என்று
    பெயர்.

    u. நிலத்தின் உரிமையாளர் அனுமதியின்றி யாரும் உள்ளே வரமுடியாதபடி
    அமைக்கப்பட்டுள்ள இடத்திற்கு “உறவாரை” என்று பெயர்.

    v. விளை நிலத்திற்கு “செய்யுள்” என்றும் உழு நிலத்திற்கு “தொய்யிள்” என்றும்
    “செறிப்பு” என்றும் பண்ணை நிலத்திற்கு “வயல்” என்றும் கூறப்பட்டுள்ளது.

    w. அதுபோல் பசிய விலை நிலத்தைப் “பாசல் நிலம்” என்றும்” நெல் விளையும்
    நிலத்திற்கு “நன்செய்” நிலம் என்றும் கூறப்பட்டுள்ளது.

    x. கொல்லை என்பதற்கு “படப்பு” என்றும் உழவுக்கொல்லைக்குத் “துடவை” என்றும்

    y. புதுக்கொல்லைக்குத் “விதைபுலம்” என்றும்

    z. பழங்கொல்லைக்கு “முதை” என்றும் வீட்டுக்கொல்லைக்கு “பின்னை” என்றும்
    கூறப்பட்டுள்ளது.

    aa. நெல் விளையும் இடத்திற்குத் “தாக்கு” என்றும்

    bb. திணை விளையும் இடத்திற்கு “காங்கவீனம்” என்றும் “தினைப்புலம்” என்றும்

    cc. உழப்பட்ட நிலத்திற்கு “சேற்றுப்புழி” என்றும்

    dd. விதை விதைப்பதற்கு ஏற்றதாக உள்ள இடத்திற்கு “விரைக்கால்” அல்லது
    “நாற்றங்கால்” என்றும்

    ee. சிறிய வயலுக்கு “தடி” என்றும் கூறப்பட்டுள்ளது.

    ff. அதுபோல் நீர்ப்பாசனம் இல்லாத இடத்திற்கு “காடாரம்பம்” என்றும்

    gg. உரிமை நிலத்திற்கு “காணியாட்சி” என்றும்,

    hh. அடைப்பு நிலத்திற்கு “வட்டகை” என்றும் கூறப்பட்டுள்ளது.
    நிலத்தின் தன்மையின் அடிப்படையில் கூறப்பட்டிருக்கும் பெயர்கள் முற்காலம் முதல் இக்காலம் வரை மலையடிவாரங்களிலும் மனைகள் மற்றும் ஆற்றோங்களிலும் பழங்காலச் சொத்து ஆவணங்களில் குறிப்பிடப்பட்டிருக்கின்ற காரணத்தினால் அப்படிப்பட்ட சொற்களுக்கான விளக்கங்கள் இங்கே தரப்பட்டுள்ளன.
    இவ ண்:
    குமர ராசப்பா, B.A
    சார் பதிவாளர் & கருவூல அதிகாரி ( பணி நிறைவு)
    எழுத்தாளர்
    எண் :62, “எழில்ராஜ்” இல்லம்
    P.S.R நகர், பச்சூர் காரைக்கால் – 609 602
    Pone: 91-9750998035
    Email id: rasappa31@gmail.com

Leave a Reply

This is default text for notification bar
This is default text for notification bar
%d bloggers like this: