Saturday, January 23அரியவை அறிந்திட, தெரிந்தவை தெளிந்திட

விக்கல் ஏற்படுவது எதனால், எப்படி, ஏன் – தீர்வு என்ன?

விக்கல் ஏற்படுவது எதனால், எப்படி, ஏன் – தீர்வு என்ன?

இந்த விக்க‍ல் பல்வேறு திரைப்படக் காட்சிகளிலும், பாடல் காட்சிகளிலும் வந்துள்ள‍து ஆம். ஒரு திரைப்படத்தில் வரும் ஒரு காட்சியில்… அயல்நாடு ஒன்றில் நடிகர் விவேக் வெள்ளைக்கார பெண் அதிகாரியுடன் உணவகத்திற்குச் சென்று சாப்பிடுவார். அப்போது அந்த வெள்ளைக்கார பெண் அதிகாரிக்கு திடீரென்று விக்க‍ல் வரும்… உடனே விவேக் சிறிதும் தாமதிக்காமல் அந்த வெள்ளைக்கார பெண் அதிகாரியை பயமுறுத்துவது போல் மிரட்டுவார். அந்த தருணத்திலேயே விக்க‍ல் நின்றுவிடும். இதனை உணர்ந்த அந்த வெள்ளைக்கார பெண் அதிகாரி, இந்த விக்கல் வந்தவுடன் பயந்து போய் மருத்துவ மனைக்கு போன் செய்து மருத்துவ அவசர உதவி நாடுவோம். ஆனால் அது எதுவுமே இல்லாமல் ஒரு விநாடியில் நின்று விட்டதே! மேலும் ஆஹா ஓஹோ என்று நடிகர் விவேக்கை புகழுந்து தள்ளுவார். இப்ப‍டி ஒரு காட்சி இடம்பெற்றிருக்கிறது.

உன்னை கண் தேடுதே ஏக் உன் எழில் காணவே ஏக்… என்று தொடங்கும் பழைய பாடல் ஒன்றில், வார்த்தைக்கு வார்தைதை விக்கல் ஏற்படும் வகையில் இருக்கும்.

ஆக இந்த விக்க‍ல் குறித்து உங்களுக்கு அதிகம் சொல்ல வேண்டிய தேவையில்லை என்பதால் இந்த விக்க‍ல் விக்கல் ஏற்படுவது எதனால், எப்படி, ஏன் – தீர்வு என்ன என்பதை இங்கு விரிவாக காண்போம்.

விக்கல் ஒருவருக்கு எப்போது வரும், எப்படி வரும், எப்போது நிற்கும் என்பது மாயமான ஒன்று. பேசும் போது விக்கல் வந்தால் அது பெரும் தொந்தரவாகவும் இருக்கும். விக்கல் எல்லாருக்கும் வரும். வயது, எடை, பாலினம் என்ற பாகுபாடு இல்லாதது அது.

அதிகமாகச் சிரிப்பது, மிகுதியாக உண்பது, உணர்வுகள் கட்டுக்கடங்காமல் போவது போன்ற சில காரணங்களால் கூட விக்கல் ஏற்படக்கூடும் என்று மருத்துவர்கள் கூறுகின்றனர். சில வித்தியாசமான காரணங்களையும் மருத்துவர்கள் முன்வைக்கி ன்றனர். அவற்றில் தூக்கத்திற்காகப் பயன்படுத்தப்படும் மாத்திரைகள், காரமான உணவுகளும் உள்ளன.

எதனால் விக்கல் வருகிறது:

நமது வயிற்றுப் பகுதியை நுரையீரல் பகுதியிலிருந்து பிரிக்கும் Diaphragm-இல் விக்கல் தோன்றுகிறது. நுரையீரல் பகுதியில் காற்று நுழைவதால் பேசும் குழாயில் தடங்கல் ஏற்பட்டு நமது சத்தம் தடைபடுகிறது. ஏன் Diaphragm அவ்வாறு செய்கிறது என்பதற்குக் காரணம் இன்னும் கண்டுடிக்கப்படவில்லை. சில முறை விக்கல், வந்த நேரத்தில் காணாமல் போய்விடும். அதற்கு மருத்துவ ரீதியான விளக்கம் இல்லை.

எவ்வளவு நேரம் விக்கல் நீடிக்கும்:

முதியவர்களுக்கு விக்கல் அதிகமாக ஏற்பட வாய்ப்புள்ளது. சராசரியாக விக்கல் சில நிமிடங்களில் நின்றுவிடும் அல்லது சில மணி நேரம் கூட இருக்கும். விக்கல் 48 மணி நேரத்திற்கு அதிகமாக நீடித்தால் அல்லது அடிக்கடி வந்தால் மருத்துவரைச் சென்று பார்ப்பது சிறந்தது.

எப்படி விக்கலை நிறுத்துவது:

இணையத்தில் பல விசித்திரமான தகவல்கள் இருக்கும் அவற்றைப் பின்பற்ற வேண்டாம் என்றும் மருத்துவர்கள் கேட்டுக் கொண்டனர். பயம் காட்டினால் விக்கல் நிற்கும் என்பார்கள். ஆனால் அதற்குப் பின்னால் அறிவியல் உள்ளது. மூச்சைக் கட்டுப் படுத்துவதால் விக்கல் நிற்கும். ஒருவர் நமக்கு பயம் காட்டினால் நாம் சட்டென்று பெருமூச்சு விடுவோம். அதனால் கூட விக்கல் நிற்கும் வாய்ப்புகள் உள்ளன. மூச்சைக் கட்டுப்படுத்துவது உன்றே நல்லதொரு சிற‌ந்த‌ வழி என்கின்றனர் மருத்துவர்கள்.

#விக்கல், #மூச்சு, #மூச்சு_கட்டுப்படுத்துவது, #நுரையீரல், #Diaphragm, #விதை2விருட்சம், #Hiccups, #breath, #Shortness_Of_Breath, #lung, #vidhai2virutcham, #vidhaitovirutcham, #seedtotree, #seed2tree, #விக்கல்_ஏற்படுவது_எதனால்_எப்படி_ஏன்_தீர்வு_என்ன?

Leave a Reply